|
Savevas Vus che varga 1000 persunas visetan onn per onn cuors favoreivels tier la SFS? Quei ei mo pusseivel cul sustegn da nos inserents el program da cuors! Senza quels stuessen ils prezis vegni adattai massiv. Capeivel ch'jeu less admetter miu sincer engraziament ad els! Sche Vus lesses era daventar inserent e publicar Voss'offerta e sustener la formaziun ca. 12'000 gadas en Surselva, s'annunziei.
Savevas Vus ch'il gimnasi da Mustér occupescha 17 scolastAs en plazza cumpleina e 20 en temps parzial, la Scola mercantila 7 cumpleinamein e 18 parzialmein, la Scola professiunala 2 cumpleinamein e 6 parzialmein, la Scola vinavon 1 e 13, la Scola da musica 53 parzialmein ed il Survetsch terapeutic Surselva 25 parzialmein? Dasperas vegnan aunc persunas engaschadas per la logistica. Tut en tut mintga meins paun e fadigia per rodund 200 persunas. Quellas persunas cun lur famiglias consumeschan era ella regiun ed attribueschan al product intern brut dalla Surselva. Quellas persunas pagan taglia ella regiun, separticipeschan alla veta culturala e publica, quellas persunas ein in'impurtonta petga per la vivacitad dalla Surselva e buca il davos promoturas dil lungatg romontsch. Quei ein ils motivs daco che quellas scolas ston star ella regiun.
Patertgei ina gada, prest vegn la Scola da tgira a Glion serrada: varga 10 plazzas svaneschan e mintg'onn mauncan en treis classas ca. 100 scolarAs…
Laax, igl uost 2010
Martin Mathiuet
meinafatschenta
|
